ئیدیعای سەرچاوەیەکی ئاگادار: دابەزینی خێرای تەندروستی پاتری ئایفۆنە نوێیەکان بەهۆی نزمی کوالێتییانەو

لە ماوەی ڕابردوودا ئایفۆن بە یەکێک لە باشترین مۆبایلەکان دادەنرا لە ڕووی تەمەنی پاترییەوە. بەڵام لە دوای بڵاوبوونەوەی ئایفۆن ١٤ لە ساڵی ڕابردووەوە ڕەخنە دەبیسترێت سەبارەت بە دابەزینی خێرای تەندروستی..

وادیارە پاتری ئایفۆن ١٣ دەتوانێت لەم ماوەدا شەحن زیاتر رابگریت.

لە ماوەی ڕابردوودا ئایفۆن بە یەکێک لە باشترین مۆبایلەکان دادەنرا لە ڕووی تەمەنی پاترییەوە. بەڵام لە دوای بڵاوبوونەوەی ئایفۆن ١٤ لە ساڵی ڕابردووەوە ڕەخنە دەبیسترێت سەبارەت بە دابەزینی خێرای تەندروستی پاتری ئەم مۆبایلانە. ئێستا لەگەڵ هاتنی زنجیرەی ئایفۆن ١٥ بۆ بازاڕ، ڕاپۆرتێک بڵاوکراوەتەوە کە بانگەشەی ئەوە دەکات کە تەندروستی پاتری ئایفۆن ١٤ و ١٥ خێراتر لە زنجیرەی ١٣ تێکدەچێت، ئەمەش بەهۆی بەکارهێنانی پاتری کوالێتی نزمەوەیە.

هۆکاری تێکچوونی خێرای تەندروستی پاتری ئایفۆن ١٤ و ١٥ چییە؟
سەرچاوەیەکی ئاگادار لە تۆڕی کۆمەڵایەتی ئێکس بە ناوی  RGcloud  بانگەشەی ئەوە دەکات کە تێکڕای تەمەنی پاتری ئایفۆنە کۆنەکان وەک زنجیرەی ئایفۆن ١٣ ٨٠٠ خولگە. بەڵام ئەم سووڕی ژیانە لە ئایفۆنە نوێیەکاندا تەنها نزیکەی ٦٠٠ خولە. لە ئەنجامدا تەندروستی پاتریەکە زووتر کەم دەبێتەوە.

ئەم بابەتە بە ڕوونی کاتێک دەرکەوت کە کۆمەڵێک بەکارهێنەری ئایفۆن ١٤ لە سەرەتای مانگی ئابدا ڕاپۆرتیان دا کە تەندروستی پاتریەکانیان گەیشتووەتە ٨٨%. لە ئەنجامدا پرسیار لەم بارەیەوە لە نێو بەکارهێنەران دروست بوو.

هەرچەندە پێدەچێت ڕاپۆرتەکەی ئێستا مەعقول بێت، بەڵام RGcloud بەڵگەی نەخستووەتەڕوو بۆ سەلماندنی ئیدیعای خۆی. بۆیە ناتوانرێت بە تەواوی پشتڕاست بکرێتەوە. لە لایەکی ترەوە بە لەبەرچاوگرتنی ئەوەی کە ئەپڵ هیچی لەو بارەیەوە ڕانەگەیاندووە، ناتوانین دڵنیا بین لەم وتووێژانە.

ئەگەر دابەزینی تەندروستی پاتری ئایفۆن پەیوەندی بە کوالێتی ئەم بەشەوە نەبێت، ئەوا دەکرێت ئەم دابەزینە پەیوەندی بە ڕووناکی شاشەی ئایفۆن ١٤ پڕۆوە هەبێت کە بە بەراورد بە ئایفۆن ١٣ پڕۆ نزیکەی دوو هێندە زیادی کردووە و لە ئەنجامدا فشارێکی زیاتر دەخاتە سەر لەسەر پاترییەکە.

جگە لەوەش بەپێی زانیارییە فەرمییەکانی کۆمپانیای ئەپڵ، پاتری ئایفۆن بەجۆرێک دیزاین کراوە کە هێشتا دەتوانێت تا ٨٠%ی توانای خۆی بپارێزێت دوای ٥٠٠ خولی شەحنکردنەوەی تەواو. سەرەڕای ئەوەش، بەشداربووانی ئەپڵ کەیر+ دەتوانن پاتری ئایفۆنەکەیان بە خۆڕایی بگۆڕن ئەگەر لە ساڵی یەکەمی کڕیندا بگاتە کەمتر لە 80% تەندروستی.

بەڵام ئەگەر ڕاپۆرتی ئێستا ڕاست بێت، ڕەنگە بگوترێ کە کوپەرتینۆس دەستیان کردووە بە بەکارهێنانی ئەم پاترییانە بۆ کەمکردنەوەی تێچووی بەرهەمهێنان.